ᐧᐁᔥᑲᒡ ᐁᔥᒄ ᐁ ᒌ
ᐧᐋᐧᐃᔦᔮᔨᒡ ᐊᒥᔅᒄ ᐅᓱᐃ
(When the beaver had a round tail.)

Written by:
Rose Dixon
Read by:
Ruth Salt

Sound editing by:
Ruth Salt

Text edited by:
Ruth Salt

ᒋᒋᔅᒉᔨᐦᑌᓈᐧᐋᐤ ᐧᐁᔅ ᐁ
ᐋᐸᑎᓰᑦ ᐊᒥᔅᒄ ᐁ ᑎᐱᔅᑳᔨᒡ᙮

ᐊᓐ ᒫᒃ ᐊᒥᔅᒄ ᐁ
ᒌᔑᑳᔨᒡ ᓀᐹᑦ᙮

ᐯᔭᐧᑳᐤ ᓈᔥᒡ ᐁ ᒥᔪᑎᐱᔅᑳᒡ ᑳ ᐃᑌᔨᐦᑕᐦᒃ ᐊᓐ ᐊᒥᔅᒄ ᒉ
ᓂᑑᐋᐸᑎᓰᑦ, ᐧᐄᔨᒡ ᐁ ᒌ ᐧᐄ
ᓂᑑᐅᔑᐦᑖᑦ᙮

ᒉᒥᑲᒫᑦ ᒥᔥᑎᒄᐦ ᓈᔥᒡ ᐁ
ᒥᐦᒑᔅᑯᓯᔨᒡᐦ᙮ ᑌᐦᑯᐦᐅᑯᑦ ᐊᓂᔫᐦ ᒥᔥᑎᒄᐦ ᓂᐦᐋᐤ ᐊᓂᑦᐦ ᐅᓱᐦᒡ᙮

ᓇᒧᐃ ᐅᐦᒋ ᐯᐦᑖᑰ ᐊᐧᐁᔫᐦ ᐋᑕ ᐁ ᒌ ᑖᒋᐦᐧᑫᑦ, ᐧᐄᒋᐦᐄᒄ,
ᐧᐄᒋᐦᐄᒄ, ᓇᒧᐃ ᓂᒌ ᐋᐦᒌᓐ᙮

ᓇᒧᐃ ᒫᒃ ᐅᐦᒋ ᐧᐄᒋᐦᐄᑰ
ᐊᐧᐁᔫᐦ᙮ ᒥᓯᐧᐁ ᐊᐧᐁᔫᐦ ᐁ ᒌ ᓂᐹᔨᒡᐦ ᐁ ᑎᐱᔅᑳᔨᒡ᙮

ᐱᔦᑖᐱᓃᔨᒡ ᐱᔦᑖᔥᑎᒧᑌᔨᒡ
ᒋᔐᔮᒄᐦ ᐁ ᐱᐹᒧᑌᔨᒡᐦ᙮ ᐁᑯᐦ
ᐁᑖᑦ, ᐧᐄᒌᐦ ᒫ, ᓂᑕᐦᑯᐦᐁᓐ
ᐧᐁᓯᓐ ᓂᓱᐃ᙮

ᐁᑯᐦ ᑮᐹ ᐧᐋᒋᐦᐄᑯᑦ ᐊᓂᔫᐦ
ᒋᔐᔮᒄᐦ᙮ ᐧᐃᔮᐸᐦᑎᒥᔨᒡᐦ ᐊᓂᔮ ᐅᓱᐃ ᒥᒎᓐ ᐁ ᓂᐱᑳᔒᔨᒡ᙮

ᐧᐁᓵ, ᐄᑎᑰ, ᒥᒎᓐ ᐧᐁᓯᓐ ᓂᐱᑳᔔ ᒋᓱᐃ᙮

ᒥᔮᑐᑦ ᐊᓐ ᐊᒥᔅᒄ᙮

ᐁᑳᐧᐄ ᒫᑑᐦ, ᐄᑎᑰ ᐊᓂᔫᐦ
ᒋᔐᔮᒄᐦ, ᓄᐧᐃᒡ ᐧᐁᓯᓐ ᒋᑲ
ᐃᔮᐧᑳᑎᓯᓐ ᐁ ᐱᐹᒥᔥᑳᔨᓐ᙮
ᒥᔦᔨᐦᑦᐦ ᒫ ᑏᑯᒡ᙮