ᐧᐋᔥᑭᒡ ᐋᔥᒄ ᐋ ᒌ
ᐧᐋᐆᔮᔮᔨᒡ ᐊᒥᔅᒄ ᐅᓱᐃ
(When the beaver had a round tail.)
written by:
Rose Dixon
and read by:
Christine Duff
sound editing by:
Christine Duff
text edited by: Linda Vistor and Luci Salt
ᒋᒋᔅᒑᔨᐦᑖᓈᐧᐋᒋᒑ ᐧᐋᔅ ᐋ
ᐋᐱᑎᓰᑦ ᐊᒥᔅᒄ ᐋ ᑎᐱᔅᑳᔨᒡ᙮
ᐋᑯᐦ ᐋ ᒌᔑᑳᔨᒡ ᓈᐹᑦ ᐊᓐ
ᐊᒥᔅᒄ᙮
ᐹᔨᐧᑳᐤ ᓈᔥᒡ ᐋ ᒥᔪᑎᐱᔅᑳᔨᒡ ᑳ ᐃᑖᔨᐦᑎᐦᒃ ᐊᒥᔅᒄ ᒑ
ᓂᑑᐋᐱᑎᓰᑦ, ᐧᐄᒡ ᐋ ᒌ ᐧᐄ ᓂᑑᐆᔑᐦᑖᑦ᙮
ᓂᔮᐧᑖᑭᒫᑦ ᒥᔥᑎᒄᐦ ᓈᔥᒡ ᐋ
ᒥᐦᒑᔅᑯᓯᔨᒡᐦ᙮ ᑖᐦᑯᐦᐅᑯᑦ ᐊᓂᔮᐦ ᒥᔥᑎᒄᐦ ᓂᐦᐋᐤ ᐊᓂᑎᐦ ᐅᓱᐦᒡ᙮
ᓂᒥᒌᐧᐋ ᐹᐦᑖᑰ ᐊᐧᐋᔫᐦ ᐋᑦ
ᓈᔥᒡ ᐃᐧᑖᑦ ᐋ ᐋᔑᐦᐧᑳᑦ,
ᐧᐄᒋᐦᐄᒄ, ᐧᐄᒋᐦᐄᒄ, ᓂᒧᐃ ᓂᒌ ᐋᐦᒌᓐ᙮
ᓂᒧᐃ ᒫᒃ ᐅᐦᒋ ᐧᐄᒋᐦᐄᑰ
ᐊᐧᐋᔫᐦ᙮ ᒥᓯᐧᐋ ᐊᐧᐋᔫᐦ ᐋ ᒌ ᓂᐹᔨᒡᐦ ᐋᑳ ᐹᐦᑖᑯᑦ ᒫᐧᑳᒡ ᑮᐧᐹ ᐋ ᑎᐱᔅᑳᔨᒡ᙮
ᐱᔮᑖᐱᔨᒡ ᐧᐋᑎᐦᑎᑯᑦ ᒋᔖᔮᒄᐦ ᐋ ᐱᐹᒧᑖᔨᒡᐦ᙮ ᐊᐧᑳᑖᑦ, ᐧᐄᒌᐦ ᒫ᙮ ᓈᔥᑖᐧᐹ ᓂᑖᐦᑯᓯᓐ ᔖᔥ ᓂᓱᐃ᙮
ᐊᐦᑰ ᑮᐧᐹ ᐧᐋᒋᐦᐄᑯᑦ ᐊᓂᔮᐦ
ᒋᔖᔮᒄᐦ᙮ ᐧᐃᔮᐱᐦᑎᒥᔨᒡᐦ ᐊᓂᔮ ᐅᓱᐃ ᓈᔥᑎᔨᒡ ᐋ ᓂᐱᑳᔨᒡ᙮
ᐧᐋᓵ, ᐄᑎᑰ, ᓈᔥᑎᔨᒡ ᐧᐋᔅ ᐆ ᓂᐱᑳᐤ ᒋᓱᐃ᙮
ᒥᔮᑐᑦ ᐧᐄ ᐊᓐ ᐊᒥᔅᒄ᙮
ᐊᑳ ᒫᑐᐦ, ᐄᑎᑰ ᐊᓂᔮᐦ
ᒋᔖᔮᒄᐦ, ᓈᔥᑖᐧᐹ ᐧᐋᔅ ᒋᑭ
ᒥᐧᔮᐱᒋᐦᑖᓐ ᐊᓐ ᒋᓱᐃ ᐋ
ᐱᒥᔥᑳᔨᓐ᙮ ᒥᐧᔮᔨᐦᑦᐦ ᑎᔨᑯᒡ᙮